​NTLHERISO WA XIBALO XA MALI LEYI NGHENAKA WA TITHIRASITI (ITR12T)

 Xana i yini leswintshwa?

  • 15 Mudyaxihi 2017 – Miantswiso eka Ntlheriso wa Xibalo xa Mali leyi Nghenaka wa Tithirasiti (ITR12T)
Tanihi xiphemu xa ku tinyiketela ka hina ku hlayisa mipimo ya le henhla yo tirha hi ku hetiseka na nandzeleriso, SARS yi tivisile Miantswiso eka Ntlheriso wa Xibalo xa Mali leyi Nghenaka wa Tithirasiti ku sukela hi ti 15 Mudyaxihi 2017.
 
Leswi landzelaka i micinco ya nkoka leyi endliweke eka ITR12T:
    • U nge he pfumeleriwi ku koxa khirediti ya xibalo xa matikomambe eka vukorhokeri lebyi nyikiweke eAfrika-Dzonga lebyi hakerisiweke xibalo ehandle ka Afrika-Dzonga. Hambiswiritano, u ta swi kota ku koxa nsuso ku suka eka mali leyi nghenaka ya vukorhokeri lebyi nyikiweke eAfrika-Dzonga leswi hakerisiweke xibalo ehandle ka Rhiphabuliki. Eka ITR12T ku nghenisiwile swintshwa ku tirhela tindzhawu ta xiphemu xa 6quin leti susiweke.
    • Nawu wa Xibalo xa Mali leyi Nghenaka (xiphemu 11D) wu pfumelela nsuso hi ku ya hi Ndzavisiso na Nhluvukiso leswi nga endleriwa tikhamphani naswona hikwalaho wu susiwile eka ITR12T.
    • Miantswiso eka ITR12T i miengetelo ya leyi tirhisiweke enkarhini wa Nguva ya Xibalo ya 2016:
      • Xitatimende xa Tinhundzu na Swikweleti sweswi swi hambanisa exikarhi ka tiakhawunti leti Hakelaka Ntswalo na leti nga Hakeriki Ntswalo.
      • Swiphemu leswi tirhanaka na mali leyi nghenaka ya rhente na vurimi swi antswisiwile.
Micinco yin’wana yo hambanahambana yi endliwile eka:
    • Ntiviso wa Mali leyi Nghenaka ya Rhente; na
    • ITA34.
U komberiwa ku tsundzuxiwa leswaku a wu nge swi koti ku cinca kumbe ku sula switiviwa swa swin’wana na swin’wana swa IRP5 leyi kumiweke ku suka eka vandla ra vunharhu no tatiwa eka ntlheriso. 
 
Loko u vona vuxokoxoko byo hoxeka lebyi tatiweke eka ntlheriso, u tsundzuxiwa ku tihlanganisa na muthori kumbe munyiki wa vukorhokeri ku endlela leswaku va byi lulamisa tanihileswi u nga ta ka u nga koti ku cinca kumbe ku sula switiviwa swin’wana na swin’wana swa IRP5 leyi kumiweke ku suka eka vandla ra vunharhu.
 
Vuxokoxoko lebyi tatiweke lebyi kumiweke ku suka eka vandla ra vunharhu byi nga va byi cinciwile kumbe ku nghenisiwa swintshwa ku endlela leswaku vuxokoxoko lebyi byi tatiwa, u ta fanela ku tlilika ‘Refresh’ ku ya emahlweni.
 
Xitsundzuxo xa Nkoka: Xikombiso xa fomo leyintshwa ya ITR12T xa kumeka.
 
Xitsundzuxo xa nkoka: Swi na nkoka leswaku SARS yi lulamisile no antswisa vuxokoxoko bya muhakelaxibalo. Loko u tata ntlheriso wa ITR12T, xivutiso xo sungula ehansi ka 'Trust Details' i ‘Have the banking, contact and trustee details of the trust been verified and confirmed as correct?’ Loko u hlamula ‘NO’ eka xivutiso lexi, u nge swi koti ku rhumela ntlheriso wa ITR12T ku fikela loko vuxokoxoko lebyi bya tithirasiti byi tiyisisiwile leswaku byi lulamile.
Vuxokoxoko bya muhakelaxibalo lebyi nga kona eka eFiling byi nga voniwa hi ku tlilika ‘Legal Entity Profile’. Loko u ri na papila ra vulawuri ehenhla ka thirasiti, u nga tlhela u endzela rhavi ra SARS ra le kusuhi na wena loko u lava ku nghenisa swintshwa eka vuxokoxoko.
 
Xitsundzuxo xa nkoka: Loko u ri karhi u tata ITR12T u komberiwa ku tlilika ‘Save’ nkarhi na nkarhi leswaku u nga lahlekeli hi vuxokoxoko byin’wana na byin’wana lebyi u nga byi nghenisa khale loko eFiling ya SARS yo tshuka yi helele hi nkarhi.
 
 
U komberiwa ku tsundzuka leswaku a ha ha amukeli mitlheriso ya Tithirasiti (ITR12T) hi ku tirhisa poso.
  • 12 N’wendzamhala 2016 – Miantswiso yo engetelela eka Ntlheriso wa Xibalo xa Mali leyi Nghenaka wa Tikhamphani (ITR14)
SARS yi tivisile miantswiso eka Ntlheriso wa Xibalo xa Mali leyi Nghenaka wa Tikhamphani (ITR14) hi ti 9 N’wendzamhala 2016. Hlaya swo tala. 

Xana i yini?

Ntlheriso wa Xibalo xa Mali leyi Nghenaka wa Tithirasiti wu vuriwa Ntlheriso wa Xibalo xa Mali leyi Nghenaka wa Tithirasiti (ITR12T).

Xana wu sungule rini ku tirha?

Fomo leyi nghenisiweke swintshwa (ITR12T) ya kumeka ku sukela hi ti 12 Nhlangula 2015.

Xana ndzi yi kuma njhani ITR12T?

Fomo (ITR12T) ya kumeka eka eFiling kumbe yi nga nghenisiwa erhavini ra SARS ematshan’wini ya muyimeri/Mutokoti hi swa Xibalo wa thirasiti (vona xiphemu xa “How to submit the ITR12T”).
 
Xikombiso xa ITR12T xa kumeka loko u lava ku kopa (dawuniloda). Loko ku ve u nga endzela rhavi ra SARS ku ya nghenisa vuxokoxoko, u ta fanela u yi tata u nga se endzela rhavi. Ku kuma vuxokoxoko byo hlaya bya leswaku u tata njhani ITR12T, tlilika laha.
 
Xitsundzuxo xa Nkoka: Ku kombela leswaku u poseriwa ITR12T swi nge he vi nhlawulo naswona mitlheriso ya tithirasiti leyi kumiwaka hi poso yi ta lahliwa.  

Xana u rhumela njhani ITR12T?

Ntlheriso wa ITR12T wa thirasiiti wu nga rhumeriwa hi yin’we ya tichanele leti landzelaka:
  • Tata no rhumela ITR12T hi ndlela ya xitironiki eka eFiling
  • Endzela rhavi ra SARS ra le kusuhi na wena ku nghenisa ITR12T eka sisiteme ya SARS.
Thirasiti yin’wana na yin’wana leyi nga endla mitsengo leyi hakerisiwaka xibalo leyi hangalaseriweke eka / vekiweke eka vavuyeriwa vo tlula 10 enkarhini wun’wana na wun’wana wa lembe ra nhlelelo (YOA) va fanele ku titsarisela no rhumela ITR12T hi ku tirhisa eFiling. 
 
Thirasiti yin’wana na yin’wana leyi nga endla mitsengo leyi hakerisiwaka xibalo leyi hangalaseriweke eka / vekiweke eka vavuyeriwa va le hansi ka 10 va fanele ku titsarisela no rhumela ITR12T hi ku tirhisa eFiling. Hambiswiritano, loko ku ve tithirasiti eka xiyimo xo hetelela ti nga tsarisiwanga, muyimeri/Mutokoti hi swa xibalo u fanele a endzela rhavi ra SARS ku ya nghenisa vuxokoxoko.

Xana u lava ku pfuniwa?

Last Updated: 21/12/2017 11:18 AM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ