​PHUROGIREME YA NTIVISO HI NTSAKELO (VDP)

Phurogireme ya Ntiviso hi Ntsakelo (VDP) ya SARS yi fambisiwa ehansi ka Nawu wa Vufambisi bya Xibalo, 2011 lowu sunguleke ku tirha hi ti1 Nhlangula 2012.
 
Phurogireme yo Hlawuleka ya Ntiviso hi Ntsakelo (SVDP) yi sungurile yi nyika vahakelaxibalo lava nga landzelerisiki xibalo nkarhi wo lulamisa tinhundzu ta vona ta le matikwenimambe na mali leyi nghenaka leswi nga pfumeleriwangiki ku tivisa vuxokoxoko lebyi hi ntsakelo. Vanhu hi voxe na tikhamphani va nga endla swikombelo enkarhini wo rindzela ku sukela hi ti1 Nhlangula 2016 ku fikela hi ti 31 Mhawuri 2017. SVDP yi endleriwile tikhamphani na vanhu hi voxe lava khale a va nga tivisi mitlulo ya tihakelo ta swikweleti swa xibalo na ya vulawuri bya cincano mayelana na tinhundzu ta le matikwenimambe. Vahakelaxibalo va nga fikelela vuxokoxoko hinkwabyo bya SVDP eka pheji rintshwa leri simekiweke ra SVDP.
 
Swikombelo swi nga rhumeriwa hi ku tirhisa eFiling kumbe Tihofisi ta rhavi. Ku ku pfuna hi swivutiso swa wena swa VDP, swivutiso na tihlamulo tin’wana swi hlanganisiwile. Ku kuma vuxokoxoko byo hlaya, u komberiwa ku tihlanganisa na Xiletelo le hansi ka pheji.
 
Xitsundzuxo xa Nkoka: Loko u ri eku hlanganeni na swiphiqo hi ku rhumela tifomo ta VDP na SVDP hi ku tirhisa eFiling, u komberiwa ku vona swiletelo swa hina swa mayelana na mfanelano wa burawusara.
 
Vuxokoxoko byo tihlanganisa bya xipano bya kumeka ehansi ka pheji leri.
 
Swivutiso​
​Tihlamulo
Hikokwalaho ka yini ku ri na VDP?​
​Xikongomelo xa VDP i ku ndlandlamuxa nandzeleriso wa ntsakelo hi humeleriso wa mafambiselo yanene ya sisiteme ya xibalo na ntirhiso wo antswa swinene wa switirhisiwa swa SARS.
​Xana SARS yi lava ku fikelela yini hi VDP?
​VDP yi kongomanile no hlohlotela vahakelaxibalo ku humela ehandle hi ntsakelo ku lulamisa timhaka ta vona ta xibalo na SARS ku papalata nsindziso wa mixupulo ya mayelana no tekela ehansi na mixupulo yin’wana ya mafambiselo.
Xana i mixaka yihi ya swibalo leyi katsiweke ehansi ka VDP?
​VDP yi tirha eka swibalo hinkwaswo leswi fambisiwaka hi SARS (ku nga katsiwi Vulawuri bya nhundzu emindzilekanini na Xibalo xa swimakiwa swa laha tikweni).
​Xana i mani loyi a nga endlaka xikombelo xa VDP?
​Munhu un’wana na un’wana kumbe khamphani leyi lavaka ku tivisa timhaka ta yona ta xibalo eka SARS, loko ku ve hi ku va ringanerile VDP.
​Xana ku na swilaveko swin’wana na swin’wana swa xikombela xa VDP lexi nga enawini?
​Ina. Ku endlela leswaku xikombelo xi va xi ri enawini, swilaveko leswi landzelaka swi fanele ku landzeleriwa:
  • Ntiviso wu fanele wu va hi ntsakelo
  • Wu fanele wu nghenisa ntlulo wo hakela xikweleti lowu nga tivisiwangiki hi muendli wa xikombelo kumbe muyimeri wa muendli wa xikombelo
  • Wu fanele ku va wu helerile no tatiwa kahle hi tindlela hinkwato
  • Wu fanele wu katsa nsindziso lowu nga ha va ku kona wa nxupulo wo tekela ehansi wa mayelana na ntlulo wo hakela xikweleti
  • Wu fanele ku ka wu nga fikelerisi eka vuyiselo wa mali lowu faneleke wu hakeriwa hi SARS
  • Wu fanele ku va wu endliwa eka fomo na maendlelo lawa ya vekiweke.  
​Xana ku humelela yini loko xikombelo xa VDP xi nga helelangi? 
​Xikombelo xa VDP lexi nga helelangiki xi lahliwa hi yuniti ya VDP handle ko tivisa muendli wa xikombelo.
Swikombiso swa leswi hi leswi –
  • laha muendli wa xikombelo a nga kombiseki nhlamuselo ya ntlulo wo hakela xikweleti
  • loko khodi ya xihlovo yi nga ri kona
  • loko xikombelo xi yelana mitlheriso ya xibalo leyi nga rhumeriwangiki leyi SARS yi yi tivaku.
​Xana ndzi yi kuma kwihi fomo yo endla xikombelo?
Fomo yo endla xikombelo yi vuriwa Fomo ya Xikombelo xa Ntiviso hi Ntsakelo (VDP01) naswona yi nga fikeleriwa hi ku tirhisa sisiteme ya eFiling ya SARS.
​Xana ndzi fanele ku va ndzi titsarisela eFiling ku va ndzi endla xikombelo xa VDP?
​Ina. Swi vula leswaku u fanele ku titsarisela eka sisiteme ya eFiling loko u nga se endla xikombelo xa VDP.
​Xana ku humelela yini loko xikombelo xa mina xi pasisiwile?
​Ntwanano wu hetisiwile exikarhi ka SARS na muendli wa xikombelo lowu kombisaka mbuyelo wa phurosese ya xikombelo.
​Xana ndzi nga kaneta no aphila ehenhla ka nhlelelo wa VDP?
​E-e. Nhlelelo wa VDP wu sungurisa ntwanano wa VDP, naswona wu katsa mali leyi nghenaka yo engeteleriwa leyi hakerisiwaka xibalo leyi tivisiweke na, hi ku ya hi leswaku ntlulo wo hakela xikweleti wu humelerile nkarhi wo leha ku fika kwihi, ntswalo na mixupulo ya hakelo leyi hlweleke.
​Xana ndzi nga kombela hunguto wa ntswalo na/kumbe mixupulo leyi boxiweke eka nhlelelo wa VDP?
​E-e. Ntswalo na mixupulo swi vumba ntwanano wa VDP ku katsa na nhlelelo wa VDP, haswimbirhi i swo hetelela no boha.
Xana hi wihi nkarhi wo hetisa xikombelo xa VDP lexi humeleleke?
Nhlayoxikarhi ya nkarhi wo hetisa hi ku ya hi xikombelo xin’we sweswi i masiku ya 16 ya ntirho.
​Xana ndzi fanele ndzi endla yini loko ndzi endle xikombelo xa VDP?
​Leswi landzelaka swi na nkoka ku swi tsundzuka:
  • A swi fanelangi ku kombela ntiyisiso wa swikombelo swa VDP ra vumbirhi.  Loko ku ve sisiteme ya eFiling yi tsundzuka xikombelo, kwalaho xikombelo xi le ka rhijisitara ra VDP naswona xi ta phurosesiwa.
  • Muendli wa xikombelo ku ta tihlanganisiwa na yena loko xikombelo xa VDP lexi yelanaka na xibalo xi nyikiwa muhlahluvi ku xi phurosesa. Tidokhumente to seketela to engetelela kumbe leti nga xota ti nga ha rhumeriwa.
  • Xikombelo xa VDP xi nga suriwa eka nkarhi wun’wana na wun’wana hi ku rhumela imeyili eka vdp@sars.gov.za
  • Mitlheriso ya xibalo leyi lulamisiweke kumbe leyi hundzuluxiweke leyi yelanaka na xikombelo xa VDP yi nga rhumeriwa eka SARS hi tichanele ta ntolovelo eka nkarhi wun’wana na wun’wana loko xikombelo xa VDP xi nga se phurosesiwa. Loko ntlheriso wo hleleriwa hi SARS loko xikombelo xa VDP xi nga se phurosesiwa, mixupulo ya mayelana no tekela ehansi na mpfumaleko wa nandzeleriso leyi faneleke hi ntshuxeko wa VDP yi ta susiwa loko xikombelo xa VDP xi phurosesiwa na loko ntwanano wa VDP wu hetisiwile.
  • Ku hava mixupulo ya rhumelo lowu hlweleke kumbe ya ntswalo lowu faneleke hi ntshuxeko wa VDP; leswi swi fanele swi hakeriwa eka nhlelelo.
​Xana muyimeri wa munhu a nga endla xikombelo xa SVDP ematshan’wini ya muhakelaxibalo?
​Ina, muyimeri wa munhu a nga endla xikombelo xa SVDP ematshan’wini ya muhakelaxibalo.
​Xana hi swihi swilaveko swa muyimeri wa munhu loyi a endlaka xikombelo ematshan’wini ya muhakelaxibalo?
​Muhakelaxibalo na muyimeri wa muhakelaxibalo havambirhi va fanele ku titsarisela eka eFiling naswona muyimeri wa muhakelaxibalo u fanele a hlanganisiwa eka mixaka ya xibalo na tiphurofayili.
​Xana loko ku ve hungu leri landzelaka ‘Xikombelo xa xikalavito xi fanele xi rhumeriwa laha muendli wa xikombelo a nga titsariselangi muxaka wa xibalo lowu Xikombelo xa SVDP xi nga xa wona’ ri kombisiwile loko ku rhumeriwa xikombelo xa SVDP?
​Lexi i xikombiso xa leswaku muhakelaxibalo kumbe muyimeri wa munhu a nga titsariselangi muxaka wa xibalo eka eFiling naswona muxaka wa xibalo a wu hlanganisiwangi eka tiphurofayili.
Tiyisisa leswaku muhakelaxibalo na muyimeri wa munhu va hlanganisiwile eka eFiling u nga si rhumela xikombelo xa SVDP hi ku tirhisa eFiling. Loko ku ri na timhaka tin’wana na tin’wana, bela riqingho eka Contact Centre ya SARS eka 0800 00 7277.

 

Didokhumente ta SVDP
Hambileswi fomo ya xikombelo yi kumekaka eka eFiling ntsena, tidokhumente leti nga eka buloko leyi nga laha hansi ti na nkoka eka wena.

 
Muxaka wa Dokhumente
​Nhlamuselo
​Xiletelo
​Xiletelo
​Xiletelo
​Xiletelo
​Xiletelo
​Xiletelo
 
 
Vuxokoxoko byo Tihlanganisa
Eka swivutiso swa VDP na SVDP leswi yelanaka na xibalo, Yuniti ya VDP yi nga endzeriwa endzhaku ka ku endla xitshembhisano naswona ku nga tihlanganisiwa na yona eka vuxokoxoko lebyi kombisiweke laha hansi:
 
Riqingho
​0800 864 613 (Nkarhi: 08:00 – 16:00)
Imeyili
​Webu Adirese
​Adirese ya Ndzhawu
​VDP Unit, South African Revenue Service, Gramick Office Park, 281 Middel Street, Brooklyn, Pretoria, 0001
Adirese ya Poso
VDP Unit, South African Revenue Service, Private Bag X923, Pretoria, 001
Tikhoodineti ta GPS
​S25.77147° E28.23179°
 
 
Eka swivutiso swa Vulawuri bya Cincano wa SVDP, ku nga tihlanganisiwa na Bangi ya le Xikarhi hi ku tirhisa vuxokoxoko lebyi nga laha hansi:
 
Riqingho                
​012 647 2243 (Nkarhi: 08:00 – 16:00)
​Imeyili
​​Webu Adirese
​Adirese ya Ndzhawu
FinSurv SVDP Unit, Gramick Office Park, 281 Middel Street, Brooklyn, Pretoria, 0001
​Adirese ya Poso
​Finsurv SVDP Unit, P O Box 3125,  Pretoria, 0001
Tikhoodineti ta GPS
S25.77147° E28.23179°
 
 
Last Updated: 01/08/2017 10:58 AM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ