MOKGWA WA TSHEPETŠO YA PUŠETŠO YA MOTŠHELO WA KGOKGETŠO YA KHIRO (ETI)

Na o šoma bjang?

Bengmešomo ba ka bušetšwa palo ya tšhelete e dumeletšwego ya ETI yeo e sa dirišwago go fokotša palo ya motšhelo wa bašomi mafelelong a dikgwedi tše dingwe le tše dingwe tše tshela tša poelanyo ya dipuku (1 Matšhe go fihla 31 Agostose le 1 Setermere go fihla 28/29 Feberware).
 
Pušetšo ya ETI e tla dirwa fela ge eba mongmošomo o obamela tefelo ya motšhelo. Se se ra gore dipušetšo ka moka tša motšhelo di rometšwe gomme ga go na sekoloto sa motšhelo se se šaletšego morago, ge ditokumente tša Poelanyo ya Dipuku tša mongmošomo tša [EMP501 le di IRP5/IT3(a)] amogetšwe ebile di tšweleditšwe ke SARS.
 
Maele a Bohlokwa kudu: Mongmošomo yo a obamelego tefelo ya motšhelo o tla hwetša dikgwedi tše tshela go thoma ka sediko sa poelanyo ye e latelago (1 Setemere go fihla ka 28 Feberware goba 1 Matšhe go fihla go 31 Agostose ka nako ya dipoelanyo tša nakwana le tša ngwaga) go phošolla go se obamele go gongwe le go gongwe le go kgona go amogela pušetšo ya ETI. Ge mongmošomo a sa obamele tefelo ya motšhelo mafelelong a dikgwedi tše tshela tše di latelago tša nako ya poelanyo, 28 Feberware goba 31 Agostose, pušetšo ya ETI e ka se hwetšagale. 

Na rena bjalo ka bengmešomo re ka hwetša pušetšo ye bjang?

Palo ya tšhelete ya ETI yeo e dumeletšwego e fokotša palo ya motšhelo wa mongmošomo wo o lefelwago ke mongmošomo ka mokgwatšhomo wa Lefela-Ka-Ge o Gola (PAYE) goba pušetšo ya ETI e ka lefelwa. Mongmošomo o swanetše go romela taodišo ya EMP501 mafelelong a poelanyo enngwe le enngwe ya dipuku go hwetša pušetšo. Palomoka ya pušetšo ya ETI ya poelanyo enngwe le enngwe e swanetše go lefelwa go mongmošomo ge eba mongmošomo o obamela tefelo ya motšhelo ntle le ge mongmošomo a eletša SARS ka mokgwa o mongwe.  
Ka thomelo ya EMP501 ya mafelelong a poelanyo, dikhrediti ka moka tšeo di sa dirišwago di a bušetšwa ka ge di ka se fetišetšwe pele. Ga go hlokege gore mongmošomo a ka dira selo ge eba mongmošomo o obamela tefelo ya motšhelo gape tshedimošo ya panka e nepagetše.
Ge e ba o na le ngongorego ka pušetšo ya gago, ka kgopelo letšetša Contact Centre go 0800 00 7277 goba eya lekaleng la SARS la kgauswi le wena.  

Na SARS e tla dira pušetšo ye bjang? 

Dipušetšo di lefelwa ka mokgwa wa ditšheke go bengmešomo ka tirišo ya tiišetšo ya tshedimošo ya panka yeo e lego go mokgwatšhomo wa rena. Ge eba tshedimošo ya panka ga se e tiišetšwe, SARS e tla kgopela moreki gore a lebe lekaleng la SARS la kgauswi go kaonafatša tshedimošo ya panka. Ge se se phethilwe, SARS e tla tiposita tšheke ka akhaonteng ya mongmošomo. ya panka. Pušetšo ya ETI e lefelwa ka SARS ka akhaonteng ya panka ya mongmošo ge eba mongmošomo o obamela tefelo ya motšhelo gomme akhaonte ya mongmošomo e phasitše mokgwatšhomo wa tiišetšo. Ge akhaonte ya panka e ka hlolwa ke mokgwatšhomo wa tiišetšo, lengwalo le tla romelwa go mongmošomo gomme la mo eletša gore a ye Lekaleng la SARS la kgauswi go kaonafatša tshedimošo ya panka.
 
Mongmošomo o sa na le dikgwedi tše tharo go phošolla maemo a gagwe a go se obamele tefelo ya motšhelo. Dikgwedi tše tharo di fela ka morago ga poelanyo ya dipuku yeo e latelago. Moo go se obamele tefelo ya motšhelo go sa phošollwago mo dikgweding tše tshela, pušetšo ya ETI e ka se hwetšagale.
 
Mohlala: Mongmošomo o romela taodišo ya EMP501 ya poelanyo ya Agostose 2014 gomme o tla ba le monyetla wa go hwetša pušetšo ya ETI ya R8000.  Le ge go le bjalo, mongmošomo ga a obamele tefelo ya motšhelo ka baka la pušetšo ya tefelo ya motšhelo wa lekeno wa kelo ya ngwaga wa 2013). Mongmošomo o phošolla go se obamele tefelo ya motšhelo ka go bušetša motšhelo wa letseno wa 2013 ka 3 Disemere 2014. SARS e swanetše go lefela pušetšo ka pejana bjale ka ge maemo a phošollwa.
 
Maele a Bohlokwa kudu: SARS e ka se lefele pušetšo yeo e letetšwego go mongmošomo ge pušetšo e le ka fase ga R100 goba palo enngwe le enngwe ya tšhelete yeo e laeditšwego ke Komišinare ka gare ga Kuranta ya Mmušo, Palo yeo ya tšhelete e tla fetišetšwa kgweding e latelago ya poelanyou e latelago. 

Na ke tshedimošo efe re swanetšego go e fa SARS? 

Ge e ba SARS e tla nyaka tshedimošo go wena, dintlha tša tshedimošo yeo e nyakegago di tla hlaloswa. E ka fapana go ya ka mongmošomo o mongwe go ya go yo mongwe gape e ka akaretša tshedimošo ya mokgwatšhomo wa mogolo/megolo ya bašomi bao nago le monyetla gape le tlatšo ya foromo yeo re tlo go romelago yona.     

Na dipušetšo (dikhrediti) di ka dirišwa go lefela sekoloto?  

Dipušetšo di ka no se dirišwe go lefela dikoloto tša ka moso eupša ge eba o nyaka bjalo, o ka kgopela gore SARS e diriše dikhrediti go lefela dikoloto tša gago. Ge eba o na le bobedi sekoloto le khrediti, o ka kgopela gore pušetšo e lefelwe go na le gore e lefele sekoloto. 
 
Maele a Bohlokwa kudu: Bengmošomo ka moka ba fiwa lengwalo pele ga 28 Feberware ba eletšwa gore ge eba ga ba obamele tefelo ya motšhelo ka tsela enngwe gomme go tloga ka mafelelo a Feberware 2015 pušetšo e tla se hwetšagale. Go se obamele tefelo ya motšhelo go akaretša sekoloto se se šaletšego goba pušetšo e šaletšego gomme se se šoma go metšhelo ka moka.   

Ge eba ga o dumelelane? 

Ge eba maemo a gago ga a obamele tefelo ya motšhelo gomme pušetšo e fedišitšwe, eupša ge eba o na le bohlatse bja gore o rometše dipušetšo tšeo di hlaelago gomme o di lefeletše pele ga Feberware 2015, o ka ngongorega.    

Tshedimošo e bohlokwa mabapi le dipušetšo

  • ETI e sa dirišwago ka 31 Agostose 2014
    • Na palo e kaakang ya “ETI yeo e sa Dirišwago” (“ETI not Utilised”) ka  Agostose (201408) Taodišo ya Poelanyo ya dipuku tša Mongmošomo (EMP501)
    • Palo ye ya tšhelete e ka se dumelelwe go fetišetšwa pele bjalo ka “ETI ya go Fetišetšwa Pele”(“ETI Brought Forward”) ka Setemere  (201409) Taodišo ya Mongmošomo ya Kgwedi ka kgwedi  (EMP201)
    • Palo ya tšhelete ya ”ETI e Fetišeditšwego Pele” (“ETI Brought Forward” ) ka Setemere (201409) EMP201 e swnetše go ba lefela.
Maele a Bohlokwa kudu: Palo ye ya tšhelete ya, “ETI yeo e sa Dirišwago”, e tla beelwa ka thoko bakeng sa morero wa pušetšo, ge tshepetšo ya pušetšo e phethagaditšwe.
  • ETI e sa dirišwago ka 28 Feberware 2014
    • Tšhelete enngwe le enngwe ya ETI yeo e sa dirišwago go fokotša palo ya motšhelo wa mošomi ka  28 Feberware 2014 e ka akaretšwa bjalo ka  ETI e fetišeditšwego pele.
    • Tšhelete ye e ka akaretšwa ka go ETI e rometšwego pele ka  Matšhe  2014 (201403) EMP201.
    • Ye ke nako fela yeo tšhelete ya go romelwa pele e tla fetišetšwago pele go poelanyo ya dipuku yeo e latelago.
      • Se se tloga se le bohlokwa ka ge go ka se be le pušetšo ya tšhelete ya ETI yeo e fetišetšwago pele mafelelong a Feberware 2014.
Maele a Bohlokwa kudu: Moo palo ya ETI yeo e sa dirišwago ka t 28 Feberware 2014 e bego e akareditšwe go palo ya ETI yeo e rometšwego pele go EMP201 ya  Matšhe go fihla ka Agostose  2014 gomme ya se dirišwe ka botlalo go fokotša palo ya motšhelo wa mošomi woo o lefelwago ka dikgwedi tše, palo ye e tla akaretšwa ka go palo ya “ETI e sa Dirišwago” ka 31 Agostose 2014.
 
  • Diphošo tša ETI
    • ETI yeo e sa nyakwago goba e sa nyakwago ka botlalo kgwedi ya go feta (go akaretšwa Janaware le Feberware 2014)
      •  Moo palo ya tšhelete ya ETI e bego e sa kleingwa goba palo tšhelete ya ka fase ga palo e swanetšego e sa kleingwa, tlhaelelo e swanetše go kleingwa mo kgweding ya bjale.
      • Akaretša tšhelete (yeo e sa nyakwago/tlhaelelo) mo  EMP201 ya kgwedi ye ka fase ga “ETI Calculated /ETI e tlhakantšhitšwego”.
      • Tshedimošo go Ditifikeiti tša Motšhelo tša Mongmošomo  [IRP5/IT3(a)] tša kgwedi yeo di se fetošwe go akaretša tshedimošo ya ETI ya kgwedi ya go feta.
    • ETI ya go nyakwa go feta tekanyo kgwedi ya go feta (go akaretšwa  Janaware le Feberware  2014)
      • Moo palo ya godimo e tlhakantšhitšwego ya ETI e nyakilwego go feta palo yeo e ka kgonegago EMP201 ya go boeletšwa e swanetše go romelwa ya nako yeo. 
      • Ge eba phošo e lemogilwe, ka morago ga ge EMP501 e rometšwe, tshedimošo ya ETI go di IRP5/IT3(a) tša maleba di swanetše go phošollwa gomme di romelwe mmogo le EMP501 e boeleditšwego.
Maele a Bohlokwa kudu:
  • Ntle le Matšhe 2014 (201403), palo ya ETI e Fetišeditšwego Pele ya Matšhe le Setemere e swanetše go ba lefela ka mehla.
  • Palo enngwe le enngwe ya ETI e Fetišeditšwego Pele mafelelong a nako ya poelanyo ya dipuku, , [ya nakwana (31 Agostose) le ya ngwaga (28/29 Feberware)] e tla bušetšwa, ge fela mongmošomo a obamela tefelo ya motšhelo.

Mohlala wa go tlhakantšha Pušetšo ya ETI

Mongmošomo yo a loketšwego o hwetša pušetšo ya ETI mafelelong a dikgwedi tše tshela tša poelanyo ya dipuku gomme ge a obamela tefelo ya motšheloMongmošomo o tšere sephetho sa go se diriše pušetšo ya   ETI go fokotša sekoloto sefe goba sefe sa motšhelo.
 
 
ETI Brought Forward
ETI Calculated
Total ETI Available to be offset
PAYE Liability
ETI Utilised
ETI Carried Forward
PAYE Payable
March
R0
R100 000
R100 000
R120 000
R100 000
0
R20 000
April
R0
R120 000
R120 000
R80 000
R80 000
R40 000
R0
May
R40 000
R160 000
R200 000
R160 000
R160 000
R40 000
R0
June
R40 000
R90 000
R130 000
R120 000
R120 000
R10 000
R0
July
R10 000
R200 000
R210 000
R190 000
R190 000
R20 000
R0
August
R20 000
R100 000
R120 000
R80 000
R80 000
R40 000
R0
SARS will refund the employer an amount of R40 000 provided the employer is fully tax compliant
September
R0
R100 000
R100 000
R120 000
R100 000
0
R20 000
October
R0
R120 000
R120 000
R100 000
R100 000
R20 000
R0
November
R20 000
R150 000
R170 000
R120 000
R120 000
R50 000
R0
December
R50 000
R150 000
R200 000
R120 000
R120 000
R80 000
R0
January 2015
R80 000
R50 000
R130 000
R100 000
R100 000
R30 000
R0
February 2015
R30 000
R100 000
R130 000
R100 000
R100 000
R30 000
R0
SARS will refund the employer an amount of R30 000 provided employer is fully tax compliant when Feb 2015 Reconciliation documents are submitted successfully with no discrepancies
March 2015
R0
 
 
 
 
 
 

Diphetogo go dipalo tše di Tlhakantšhitšwego tša ETI

Ka dinako tša thomelo ya ngwaga ya poelanyo ya dipuku, bengmešomo ba swanetše go romela di EMP501 tša bona le di IRP5/IT3(a) go SARS.
 
Ge di amogetšwe SARS e tla tiišetša palo ya “ETI e Tlhakantšhitšwego” go EMP501 go bapetšwa le tshedimošo ya ETI e filwego go di IRP5/IT3(a) tša maleba.
 
Ge go ka hwetšwa phapano, bengmešomo ba tlo kgopelwa go phošolla goba go fa tlhaloso ya se pele ga  matšatši a 21 a kgwebo.
 
Diphetogo tše dingwe le tše digwe tše di dirilwego go dipalo tša “ETI e Tlhakantšhitšwego”, gomme tša fetša di boeletšwa “ETI Utilised/ETI e Dirišitšwego”, e tla laetšwa go Akhaonte ya Setatamente sa Mongmošomo (EMPSA), yeo e ka kgopelwago ka eFiling goba  e@syFile™ Employer.
 
Maele a Bohlokwa kudu: Diphetogo di ka baka dikotlo le ditswala di ka lefišwa, ge eba mongmošomo o bo be a sa lefele motšhelo ka botlalo ka letšatši leo le beilwego.
 
Moo mongmošomo a holegilego go kgoketšo ya ETI gomme o be a sa obamele tefelo ya motšhelo ka letšatši la mafelelo moo kgoketšo e dirišitšwego goba e lefetšwego, palo ya “ETI e Dirišitšwego” e tla dirolla, gomme e ka baka dikotlo le go lefišwa ga ditswala, ge eba bašomi ga ba lefele motšhelo ka botlalo ka letšatši leo le beilwego.
 
Last Updated: 24/10/2016 9:52 AM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ