GO TLATŠA LE GO ROMELA DITAODIŠO TŠA MONGMOŠOMO

Na ke eng?

Mongmošomo o swanetše go romela poelanyo ya dipuku ya go laetša tshedimošo ka moka ya palomoka ya tšhelete ya Motšhelo wa Bašomi [Lefela ka Ge o Gola (PAYE)], Lebi ya Tšwetšopele ya Mabokgoni (SDL), Tšhelete ya Inšorense ya Go felelwa ke Mošomo (UIF) le/goba Kgoketšo ya Motšhelo wa Khiro (ETI) tšeo di gogilwego goba di sa gogwago gape le tshedimošo ya disetifikeiti tša Motšhelo tša Mošomi le di [IRP5/IT3(a)] tše di dirilwego mo ngwageng wa motšhelo.

Taodišo ya Mongmošomo ya Kgwedi ka kgwedi (EMP201) 

Maele a Bohlokwa kudu: Bengmešomo ba ba amegago na le be le tseba gore le ka kleima ETI go thomelo ya lena ya EMP201? Go tseba ge eba o a amega goba go hwetša tshedimošo enngwe bala tshedimošo enngwe.
 
Tšhelete yeo e gogilwego goba e sa gogwago ke mongmošomo e swanetše go lefelwa go Ditirelo tša Motšhelo tša Afrika Borwa (SARS) ka kgwedi ka kgwedi, ka go tlatša Taodišo ya Mongmošomo ya Kgwedi ka kgwedi (EMP201). EMP201 ke taodišo ya tefelo yeo mongmošomo a laodišago palomoka ya tefelo gammogo le dikabo tša PAYE, SDL, UIF le/goba ETI. Nomoro ya Tšhupetšo ya Tefelo e kgethegilego (PRN) e tla tlatšwa go EMP201, gomme e tla dirišwa go kgokaganya tefelo ya maleba le taodišo ya tefelo ya EMP201.
 
Maele a Bohlokwa kudu: Na o hloka thušo ya go tlatša EMP201? Kgotla mo go hwetša tshedimošo enngwe.

Ditaodišo tša Poelanyo ya dipuku tša Mongmošomo (EMP501, EMP601 le/goba EMP701)

Maele a Bohlokwa kudu: Bengmošomo ba swanetše go romela dipeolanyo tša dipuku tša bona ka letšatši le le phatlaladitšwego go Kuranta ya Mmušo.
 
E ama mongmošomo yo a romelago Taodišo ya Poelanyo ya dipuku ya Mongmošomo ya maleba (EMP501), Ditifikeiti tša Motšhelo tša Mošomi le di [IRP5/IT3(a)] tše di swanetšego go phatlalatšwa gomme ge go kgonega, Taodišo ya go Khansela Setifikeiti sa Motšhelo (EMP601) sa:
• Nako ya motšwaoswere – nako ya dikgwedi tše tshela go tloga ka 1 Matšhe go fihla ka 31 Agostose
• Nako ya ngwaga – ngwaga ka moka go tloga ka 1 Matšhe go fihla ka 28/29 Feberware.
 

Setifikeiti sa Motšhelo sa Mošomi [IRP5/IT3(a)]

Mongmošomo o swanetše go fa mošomi IRP5/IT3(a) moo moputso o lefetšwego goba o swanetšego go lefelwa. IRP5/IT3(a) e hlalosa moputso ka moka wa khiro wo o hweditšwego wa ngwaga wa kelo le dikgogelo ka moka.
 
 
Last Updated: 24/10/2016 9:59 AM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ