​NGWADIŠO YA MOTŠHELO WA BAŠOMI [LEFELA KA GE O GOLA (PAYE)]

Go ngwadiša bjalo ka Mongmošomo

Maele a Bohlokwa kudu:  Mokgwa wa go ngwadiša bakeng sa motšhelo, motšhelo wa ditšwantle le go mpshafatša tshedimošo ya gago o fetošitšwe go tloga 12 Mei 2014. Go hwetša tshedimošo enngwe, kgotla mo.
 
Go ya ka molao, mongmošomo o swanetše go ngwadiša le Ditirelo tša Motšhelo tša Afrika Borwa (SARS) mo matšatšing a 21 a kgwebo morago ga go ba mongmošomo, ntle le ge bašomi ba gagwe ka moka ba se na maikarabelo a go lefela motšhelo o tlwaelegilego.

Go ngwadiša bjalo ka lekala

Moo mongmošomo, ka mabaka a ngwadišo, a dirilego kgopelo ya ngwadišo e nngwe lekaleng la kgwebo ya gagwe, lekala le lengwe le le lengwe le tšewa bjalo ka mongmošomo wa go fapana. Go ngwadiša bjalo ka lekala la ka thoko go tšwa lekaleng le legolo, foromo ya EMP102e – Metšhelo ya Moputso – Kgopelo ya Ngwadišo ya Lekala e swanetše go tlatšwa gomme e romelwe go SARS.

Fetošo ya tshedimošo e ngwadišitšwego

Mongmošomo o swanetše go tsebiša SARS mo matšatšing a 21 a kgwebo ka ga diphetogo tša tshedimošo ya ngwadišo (mohlala: phetogo ya leina, aterese goba ge a se sa šoma bjalo ka mongmošomo, bjalo le bjalo).

Ngwadišo ya SDL le UIF

Mongmošomo, yo a nyakago go ngwadiša le SARS, bakeng sa PAYE le/goba SDL, gape o swanetše go ngwadiša go lefela dikabelo tša UIF.

Go ngwadiša bakeng sa morero wa SDL

Moo mongmošomo a nago le maikarabelo a go lefela SDL, mongmošomo o swanetše go ngwadiša le SARS gomme a laetše maatlataolotoka (jurisdiction) ya Taolo ya Mabokgoni a Thuto le Tlhatlho (SETA) go ya ka moo ba swanešego go hlophiwa.
Le ge e le gore bengmošomo ba bangwe ba lokollotšwe go lefela SDL, bengmešomo ba swanetše go ngwadišwa ka moka.

Go ngwadiša bakeng sa morero wa Kabelo ya UIF  

Moo mongmošomo a nago le maikarabelo go lefela kabelo ya UIF, mongmošo o swanetše go ngwadiša le SARS goba le ofisi ya UIF (ye nngwe le enngwe e amegago) bakeng sa ditefelo tša dikabelo.
Maele a Bohlokwa kudu: Kgoketšo ya Motšhelo wa Mongmošomo e tlhohleletša bengmešomo go thwala bašomi ba baswa ka go ba fa kgogetšo ya motšhelo go bengmešomo. Bala tshedimošo enngwe.   

Na o hloka thušo?

 
Last Updated: 24/10/2016 9:48 AM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ