​GO KGONTHIŠIŠA MAEMO A OBAMELO YA TEFELO YA MOTŠHELO

Ka mokgwatšhomo o mo mpsha wa Maemo a Obamelo ya Tefelo ya Motšhelo (TCS), molefela motšhelo ga bjale o kgona go dumelela mokgatlo wa boraro go kgonthišiša maemo a gagwe a obamelo ya tefelo ya motšhelo ka enngwe ya ditsela tše pedi:
  • Ka tirišo ya PHINI ya phihlelelo ya elektroniki, goba
  • Ka tirišo ya Setifikeit sa Bohlatse bja Tefelo ya Motšhelo seo se hwetšagalago go mokgwatšhomo o mo mpsha wa TCS.  

Kgonthišišo ka tirišo ya PHINI

PHINI e ka dirišwa go kgonthišiša obamelo ya tefelo ya motšhelo ya molefela motšhelo,
Maele a Bohlokwa kudu: Ge PHINI e dirišitšwe go kgonthišiša, dipoelo di laetša maemo a ga bjale a obamelo ya tefelo ya motšhelo ka taetšo ya tšatšikgwedi le nako yeo PHINI e dirišitšwego.   

Kgonthišišo ya Setifikeiti sa Bohlatse bja Tefelo ya Motšhelo (TCC) seo se hweditšwego go mokgwatšhomo o mo mpsha wa TCS

Setifikeiti sa Bohlatse bja Tefelo ya Motšhelo (TCC) se ka kgonthišwa,
  • ka inthanete go  SARS eFiling,
  • ka  SARS Contact Centre (0800 00 7277), goba
  • lekaleng la SARS.
 
Maele a Bohlokwa kudu: Ge Setifikeiti sa Bohlatse bja Tefelo ya Motšhelo (TCC) se kgonthišitšwe, dipoelo di bonagala ge eba TCC ke ya nnete ka tšatšikgwedi le nako yeo e lekotšwego.
 
Go kgonthišiša Maemo a Obamelo ya Tefelo ya Motšhelo (TCS) / Setifiekiti sa Bohlatse bja Tefelo ya Motšhelo (TCC) / ka SARS eFiling.
 
Kgato ya 1: Tsena go eFiling
Go diriša tirelo e mpsha ya Kgonthišišo ya Maemo a Obamelo ya Tefelo ya Motšhelo inthanete, o swanetše go fiwa tumelelo ya tirišo ya eFiling. Motho yo a dumeletšwego (mohlala moemedi wa molefela motšhelo goba molaodi wa eFiling) wa mokgatlo wo o ka beakanyago dihlopha tša badiriši le ditokelo tša tirišo ba tsena gomme ba diragaša tirelo.
 
Kgato ya 2: Diragatša tirelo ya Kgonthišo ya Obamelo ya Tefelo ya Motšhelo
Tiragatšo ya tirelo ya Kgonthišišo ya Obamelo ya Tefelo ya Motšhelo ke tshepetšo ya go dirwa ga tee fela.
  • Ge o šetše o tsene go inthanete, beakanya dihlopha tša gago tša badiriši le ditokelo tše amegago tša badiriši gore o kgone go kgonthišiša Maemo a Obamelo ya Tefelo ya Motšhelo (TCS) / Setifikeiti sa Bohlatse bja Tefelo ya Motšhelo
  • Kgotla go “Tax Status”
  • Kgetha “Tax Compliance Status Verification”
  • Feleletša tshepetšo ya tiragatšo .
Kgato ya 3: Kgonthišiša Maemo a Obamelo ya Tefelo ya Motšhelo (TCS) / Setifikeiti sa Bohlatse bja Tefelo ya Motšhelo (TCC) ya molefela motšhelo
 
Kgetha menyu wa “New Verification Request”. Ngwala le go romela nomoro ya tšhupetšo ya molefela motšhelo le PHINI goba nomoro ya TCC. Tiišetša gore tshedimošo ya molefela motšhelo yeo e tšweletšego pepeneneng e nyalelana le ya molefela motšhelo yo o nyakago go mo kgonthišiša.
 
Moo nomoro ya Setifikeiti sa Bohlatse bja Tefelo ya Motšhelo (TCC) e dirišitšwego, mokgwatšhomo o tla tlhagiša ge eba TCC ke ya kgonthe. Moo PHINI e dirišitšwego, maemo a molefela motšhelo a bjale a tla tšwelela gomme a tla laetša ka dikhoutu tša mebala le go fa tlhaloso ka botlalo ka ga maemo.
Dikhoutu tša mebala di laetša ge eba merero ya bjale ya molefela motšhelo e eme botse goba aowa:
  • Khubedu – Merero ya motšhelo ga e botse gomme molefela motšhelo ga a obamele tefelo ya motšhelo
  • Tala – Morero wa motšhelo o gabotse gomme molefela motšhelo o obamela tefelo ya motšhelo.
Bjale o tla kgona go gatiša/printa kgonthišišo gore o kgone go e boloka direkhotong. Kgonthišišo ya gato e tla bolokwa ka mokgwa wa elektroniki ka go “History” go dira tšhupetšo ka moso.
Go hwetša tshedimošo mabapi le dikgato, lebelela “Guide to the Tax Compliance Status on eFiling” (Tlhahli ya Maemo a Obamelo ya Tefelo ya Motšhelo go eFiling.
 
Maele a Bohlokwa kudu: Disetifikeiti tša Bohlatse bja Obamelo ya Motšhelo tšeo di ntšhitšwego ka tshepetšo ya kgale di swanetše go kgonthišišwa ka mokgwa wa kgale wa kgonthišo ka fase ga menyu wa “Services” go eFiling.
 
Go kgonthiša Setifikeiti sa Obamelo ya Tefelo ya Motšhelo (TCC) ka tšhomišo ya kgale ya kgonthišišo, o ka kgotla mo.

Na o nyaka thušo?

Letšetša SARS Contact Centre go 0800 00 SARS (7277) goba etela lekala la SARS la kgauswi.
Last Updated: 25/08/2016 1:38 PM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ