DITLHATLHO TŠA DIKGETHO TŠA MEKGATLO YA BORARO (AA88)
Na ke eng?
Mokomišinare wa Ditirelo tša Motšhelo tša Afrika Borwa (SARS) o na le maatla a go kgetha (hira) motho yo mongwe le yo mongwe (yo a šupetšwago bjalo ka agente) go lefela motšhelo ofe goba ofe wo o sa lefelwago, woo o swanetšego go lefelwa ke molefela motšhelo, go tšwa tšheleteng enngwe le enngwe yeo e swerwego legatong la molefela motšhelo.
Ke ya mang?
Kgetho ya agente e dirwa ka go kgetha mokgatlo wa boraro bjalo ka agente ka go ntšha tsebišo ya kgetho ya mokgatlo wa Boraro (AA88) moo motho a swarago tšhelete legatong la molefela motšhelo. Mehlala ya diagente tše di ka kgethwago ke bengmešomo, makala a tša ditšhelete bjalo ka dipanka gape go ka akaretšwa ditheo tša matlotlo, dikhamphani tša inšorense, balaodi ba dipeeletšo, boramolao le bašoma ka dikoloto
Na e swanetše go lefelwa bjang gape neng?
Letšatši la tefelo le tla laetšwa go AA88 yeo e tlo romelwago go agente ya maleba.
Mekgwa e latelago ya tefelo e a hwetšagala:
Go hwetša tshedimošo ya bjale ya AA88 kgotla mo.