XIBALO XA MALI hinkwayo LEYI ENDLIWAKA HI BINDZU XI TSARISERIWA NJHANI?

Xibalo xa Mali Hinkwayo leyi Endliwaka hi Bindzu xi tsariseriwa njhani?

Xitsundzuxo xa Nkoka: Swi nga khathaleki leswaku TT01 yi tatiwile hi ndlela ya manyuwali kumbe eka inthanete, wa ha ta fanela ku yi kandziyisa loko u yi tatile no yi heleketa Erhavini ra SARS.

Xana ndzi nga yi kuma kwihi fomo ya ntsariso?

Fomo leyi ya xikombelo ya kumeka:
  • Eka webupheji leyi
  • Eka Contact Centre ya SARS eka 0800 00 SARS (7277) kumbe
  • Erhavini ra SARS.

Xana xikombelo xa ntsariso xi rhumeriwa rini?

Xi fanele xi rhumeriwa emasunguleni ya lembe ra nhlelelo (lembe ra nhlelelo leri sungulaka ku sukela hi ti1 Nyenyankulu ku fikela hi ti 28 Nyenyenyani), kumbe eka siku ra le mahlweninyana leri nga ta bohiwa hi Khomixinara eka Xitiviso xa Mfumo.
 
Nkarhi wu hambana switsongo eka mitsariso leyintshwa na mabindzu lawa ya nga kona khale:
  • Mabindzu yantshwa: Loko ku ve bindzu leritsongo swinene ri sungula vuxavisi enkarhini wa lembe ra nhlelelo no tsakela ku titsarisela xibalo xa mali hinkwayo leyi endliwaka hi bindzu, xikombelo xi fanele xi rhumeriwa eka tinhweti timbirhi ku sukela eka siku leri bindzu ri nga tumbuluxiwa hi rona.
  • Mabindzu lawa ya nga kona khale: mabindzu lamatsonngo lawa ya kona khale ya nga titsarisela kumbe ku cincela eka xibalo xa mali leyi endliweke hi bindzu ku nga si sungula lembexibalo lerintshwa.
U nga heleketa fomo leyi tatiweke erhavini ra SARS ra le kusuhi na wena kumbe u rhumela hi poso eka:
 
SARS Revenue Branch Office
PO Box 1003
Alberton
1450
 
SARS yi ta ku rhumela papila ra mayelana na mbuyelo wa xikombelo xa wena. Laha fomo ya TT01 yi nga rhumeriwa naswona yi nga helelangi, muhakelaxibalo u ta tivisiwa naswona xikombelo xi ta anakanyiwa nakambe loko vuxokoxoko hinkwabyo byi nyikiwile.

Xana nsulo wu tirha njhani?

  • Nsulo wa ntsariso hi ntsakelo: Munhu a nga hlawula ku sula ntsariso hi ntsakelo ku nga si sungula lembe ra nhlelelo kumbe eka siku ra le mahlweninyana leri tivisiweke hi Khomixinara eka Xitiviso xa Mfumo.
  • Nsulo wa ntsariso lowu bohaka: U nga sindzisiwa ku sula loko ku ve mali hinkwayo leyi endliwaka hi bindzu yi hundza R1 miliyoni eka lembexibalo leri nyikiweke kumbe endlelo rin'wana leri ringaneleke ri nga ha fikeleriwanga (ndzimana ya 3 ya Xedulu ya Vuntsevu). Eka mhaka ya nsulo lowu bohaka, bindzu ri ta suriwa ku sukela emasunguleni ya nhweti leyi ri nga ha ringanelangiki xibalo xa mali hinkwayo leyi endliwaka hi bindzu.
Xitsundzuxo xa Nkoka: Loko munhu a suleriwile ntsariso (hi ntsakelo kumbe loko swi boha) ku suka eka xibalo xa mali hinkwayo leyi endliwaka hi bindzu, a nga ka a nga ha tsarisiwi nakambe tanihi bindzu leritsongo swinene nakambe.

Yi tatiwa njhani fomo ya TT01?

Loko u pfula fomo yo endla xikombelo ya TT01, u ta komberiwa ku tata Xikambelwana xa Xihatla loko fomo yi nga se pfula ku ya emahlweni.
 


Loko nhlamulo eka xivutiso xin’wana na xin’wana xa Xikambelwana xa Xihatla ku ri “E-e” bindzu ri nge fikeleli Xibalo xa Mali hinkwayo leyi endliwaka hi bindzu.
 
Loko Xikambelwana xa Xihatla xi nga tatiwanga hi ndlela yo lulama hungu leri landzelaka ra xihoxo ri ta humelela:

 
Eku heteni ka ku tata Xikambelwana xa Xihatla tlilika “Tumbuluxa Fomo” naswona hungu leri landzelaka ri ta vonaka:

Vuxokoxoko bya muendli wa xikombelo
Kombisa loko ku ve muendli wa xikombelo i:
Bindzu ra munhu un'we (munhu hi yexe)
Xinakulobye
Khoporexini yo Pfaleka
Khooparethivhi kumbe
Khamphani
 
hi ku khwajuta bokisi leri faneleke.
 
Ku tsandzeka ku khwajuta bokisi rin’wana na rin’wana swi ta fikisa eka ku ariwa ka xikombelo xa wena.
 
Siku ro tumbuluxiwa
Leri i siku leri bindzu ri nga sunguriwa hi rona. U komberiwa ku tiyisisa leswaku xivumbeko xa CCYYMMDD xa tirhisiwa
xik. 20020601 eka bindzu leri sunguleke vuxavisi hi ti01 Khotavuxika 2002.
 
Vito leri tsarisiweke
Leri i vito ra xinawu leri bindzu ri nga titsarisela hi rona ehansi ka vulawuri lebyi faneleke xik. Khomixini ya Tikhamphani na Nhundzu ya swa Mihleketo (CIPC).
Leyi i ndzhawu leyi bohaka loko ku ve bokisi ra khoporexini yo pfaleka, khooparethivhi kumbe khamphani ri khwajutiwile.
 
Vito ra vuxavisi/vito rin’wana
Leri i vito leri leri bindzu ri endlaka vuxavisi hi rona kumbe vito leri bindzu ri tivekaka hi rona eka vapfuniwa/ tikhasimende.
 
Nomboro ya rheferense ya Xibalo xa Mali leyi Nghenaka
Leyi i nomboro ya ntsariso leyi bindzu ri yi kumaka eka SARS loko ri titsarisela Xibalo xa Mali leyi Nghenaka.
 
Nomboro ya rheferense ya Hakelo-Hi-Ku-Ya-Hi-Muholo (PAYE)
Leyi i nomboro ya ntsariso leyi bindzu ri yi kumaka eka SARS loko ri titsarisela PAYE.
 
Nomboro ya Xibalo xa Nxavo wa Swimakiwa
Leyi i nomboro ya ntsariso leyi bindzu ri yi kumaka eka SARS loko ri titsarisela VAT.
 
Nomboro ya ntsariso ya CIPC
Leyi i nomboro ya ntsariso leyi khoporexini leyi pfariweke, khooparethivhi kumbe khamphani yi yi kumaka loko yi titsarisela na CIPC (Ndzawulo ya Mabindzu na Vumaki).
 
Khodinkulu ya xihlovo ya xibalo xa mali leyi nghenaka
Leyi i khodi eka sekithara yo karhi eka ikhonomi xik. vutumbuluxi, ku suka laha mali yo tala leyi nghenaka ya bindzu yi humaka kona. Tikhodi ta tisekithara to hambanahambana eka ikhonomi ti nga kumeka eka Anekijara laha hansi.
 


Adirese ya BindzuBusiness Address
Leyi i adirese ya ndzhawu ya bindzu ku nga muako lowu bindzu ri endlaka vuxavisi ku suka kona.
 
Loko ku ve bindzu ri endla vuxavisi ku suka efuleteni kumbe endlwini ya le dorobeni, nomboro ya ntiyiso ya yuniti ya fulete kumbe yindlo ya le dorobeni yi fanele yi nghenisiwa eka “unit no”
 
Vito ra buloko kumbe buloko ya tifulete kumbe khompilekisi ya yindlo ya le dorobeni yi fanele yi nghenisiwa eka “complex” naswona laha bindzu ri nga endleki vuxavisi efuleteni, endlwini ya le dorobeni kumbe khompilekisi tindzhawu leti landzelaka ti fanele ku siyiwa ti ri hava nchumu.
 
Nomboro ya xitarata
Xitarata/Vito ra purasi
Sababu/Xifundzha
Doroba/Xidorobana na
Khodi ya poso.


Adirese ya Poso
Leyi i adirese leyi bindzu ri tsakelaka leswaku mapapila ya rhumeriwa eka yona. Ku nga va ku ri adirese yo fana na leyi nga laha henhla tanihileswi ku nga adirese ya bindzu kumbe adirese yin’wana. Loko ku ri adirese yo fana na adirese ya bindzu fungha bokisi leri faneleke hi “X”.
Loko nhlamulo ku ri “E-e”, tindzhawu leti landzelaka ti ta kombiwa ti pfulekile no tsaleka eka tona:
 
Ejensi ya Poso kumbe Yuniti-ntsongo Yin’wana (loko yi ri kona) (xik. Postnet Suite ID)
PO Box: Kombisa eka bokisi leri faneleke ra nkhwajuto loko ku ve adirese ya poso i ‘P.O. Box’ kumbe ‘Private Bag’
Private Bag: Kombisa eka bokisi leri faneleke ra nkhwajuto loko ku ve adirese ya poso i ‘P.O. Box’ or ‘Private Bag’
PO Yin’wana ya Vukorhokeri byo Hlawuleka (boxa)
Nomboro
Hofisi ya Poso
Khodi ya Poso
Xikombo xa Adirese ya Poso leyi Tsarisiweke


Vuxokoxoko bya Akhawunti ya le Bangi
Lebyi i vuxokoxoko bya akhawunti ya le bangi leyi nga ta tirhisiwa hi bindzu.
Nomboro ya Akhawunti
 
Tsundzuka: Tindzhawu leti landzelaka ti fanele ku tatiwa endzhaku ka ku hlawuriwa ka Vito ra Bangi.
 
Nomboro ya Rhavi: Loko ‘Vito ra Bangi’ ri ri na khodi ya bangi ya misava hinkwayo, ndzhawu leyi yi ta khiyiwa naswona no va na khodi ya rhavi ya misava hinkwayo hi yoxe, loko swi nga ri tano ndzhawu leyi yi ta tsaleka naswona yi fanele yi tatiwa.
 
Vito ra Rhavi: Loko ‘Vito ra Bangi’ ri ri na khodi ya bangi ya misava hinkwayo, ndzhawu leyi yi ta khiyiwa naswona no va na “Rhavi Ra Misava hinkwayo” hi yoxe, loko swi nga ri tano ndzhawu leyi yi ta tsaleka naswona yi fanele yi tatiwa.
 
Muxaka wa Akhawunti – Hlawula Cheke kumbe Nhlayiso/Thiransimixini
 
Vito ra Mukhomi wa Akhawunti (Vito ra akhawunti tanihileswi ri tsarisiweke hakona ebangi) – Vito ra Bangi: Tlilika eka mfungho  wa + ku kuma nongonoko wa mavito ya tibangi lawa ya nga ta kombisiwa na laha nhlawulo wu faneleke ku endliwa eka wona. Tlilika eka batheni ya “OK” ku ya emahlweni.
 
Vito ra Mukhomi wa Akhawunti


Vuxokoxoko bya Bindzu ra Munhu un'we/Nakulorhi loyi a Endlaka Xikombelo/Mutirheli wa Vaaki
Leswi landzelaka swa laveka:
 
Bindzu ra Munhu un'we: vuxokoxoko bya bindzu ra munhu a ri yexe kumbe munhu hi yexe.
 
Xinakulobye: Vuxokoxoko bya nakulorhi loyi a endlaka xikomblo xa Xibalo xa mali leyi endliwaka hi bindzu. Laha vanakulorhi vambirhi kumbe ku tlula va endlaka xikombelo xa Xibalo xa mali leyi endliwaka hi bindzu, nakulorhi un’wana na un’wana u fanele ku tata fomo yo endla xikombelo ya le tlhelo.
 
Khoporexini yo pfaleka: Vuxokoxoko bya mutirheli wa vaaki wa khoporexini yo pfaleka.
 
Khamphani: Vuxokoxoko bya mutirheli wa vaaki wa khamphani.
 
KhooparethivhiC: Vuxokoxoko bya mutirheli wa vaaki wa khooparethivhi.
Nomboro ya rheferense ya Xibalo xa Mali leyi nghenaka na siku ra vuthori bya vanhu lava longoloxiweke byi fanele byi nyikwetiwa.
 
U komberiwa ku tsundzuka:
Tindzhawu hinkwato eka xiphemu lexi ta boha. Hambiswiritano, muendli wa xikombelo a nga nyiketa nomboro ya yena ya ID kumbe nomboro ya phasipoto ku nga leswaku hinkwaswo a swi laveki hi nkarhi wun’we. U fanele a nyikela nomboro yin’we ya riqingho ya vutihlanganisi.
 
Laha ku nga Vanakulorhi/Swirho/Vakhomi va mikavelo vambirhi kumbe ku tlula ku fanele ku tatiwa tindzhawu leti landzelaka hi Vanakulorhi/Swirho/Vakhomi va mikavelo van’wana na van’wana.
Vito ro sungula
Maletere yo sungula ya mavito
Xivongo
Nomboro ya riqingho ra le kaya
Xivandla lexi khomiweke
Nomboro ya riqingho ra bindzu
Nomboro ya ID
Siku ro Velekiwa (CCYYMMDD)
Nomboro ya rheferense ya Xibalo xa Mali leyi Nghenaka
Nomboro ya fekisi
Nomboro ya phasipoto
Tiko ra phasipoto (xik. Afrika-Dzonga = ZAF)
Siku ra vuthori (CCYYMMDD)
Nomboro ya selifoni na
Imeyili Adirese

Vuxokoxoko bya Vanakulorhi Vanharhu/Swirho/Vakhomi va Mikavelo
Laha ku nga vanakulorhi/swirho/vakhomi va mikavelo vambirhi kumbe ku tlula ku fanele ku tatiwa nomboro ya vanakulorhi/swirho/vakhomi va mikavelo.
 
Vuxokoxoko bya Vanakulorhi Vanharhu/Swirho/Vakhomi va Mikavelo
Tata tindzhawu leti landzelaka ta vanakulorhi/swirho/vakhomi va mikavelo:
Vito ro sungula
Maletere yo sungula ya mavito
Xivongo
Nomboro ya rheferense ya Xibalo xa Mali leyi Nghenaka
Nomboro ya ID
Nomboro ya phasipoto
Tiko ra phasipoto (xik. Afrika-Dzonga = ZAF)
 
Ku ringeta ku kandziyisa fomo ya TT01 handle ko tata tindzhawu leti bohaka hungu ra xihumeleri ri ta kombisiwa:
 


Loku u nga lavi ku rhumela fomo nkarhi wolowo hi mhaka ya ku va u nga twisisi vuxokoxoko ebyi lavekaka kumbe ku ri na xilaveko xo sungurisa ku tata fomo; mihlawulo leyi landzelaka ya kumeka:
 

Tlilika “Save” ku nghenisa vuxokoxoko lebyi lavekaka eka nkarhi lowu ta ka ku nghenisa vuxokoxoko lebyi faneleke eka nkarhi lowu ta ka.
Tlilika “Reset” ku sungula hi vuntshwa ku tata ntlheriso kumbe
Tlilika “Print” ku kandziyisa fomo ku yi sayina no yi rhumela eka SARS.
 
Ntiviso
Endzhaku ka loko vuxokoxoko hinkwabyo byi tatiwile, muendli wa xikombelo u fanele a tata, kandziyisa no sayina pheji ro sungula ra fomo yo endla xikombelo. Ku tsandzeka ku endla tano swi ta fikelerisa laha xikombelo xi nga ta ariwa.
 

Xana u rhumela njhani?

Fomo leyi tatiweke ya xikombelo ya TT01 yi fanele ku rhumeriwa eka SARS eka bokisi ro chela eka rona erhavini.
Nhlawulo wa eFiling a wu se va kona ku endla rhumelo wa fomo ya xikombelo ya TT01.
 
Last Updated: 21/12/2017 12:46 PM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ