​U HAKELA NJHANI XIBALO XA MALI HINKWAYO LEYI ENDLIWAKA HI BINDZU

Ku na masiku manharhu yo endla hi wona tihakelo:
  • Hakelo yo sungula yi le xikarhi ka lembexibalo eka siku ro hetelela ra vukorhokeri ra Mhawuri ku nga ti 29 Mhawuri 2014 eka TT02 – Xitsundzuxo xa Hakelo eka Xibalo xa Mali Hinkwayo leyi Endliwaka hi Bindzu
  • Hakelo ya vumbirhi yi le makumu ka lembe xibalo eka siku ro hetelela ra vukorhokeri ra Nyenyenyani ku nga ti 27 Nyenyenyani 2015 eka TT02 – Xitsundzuxo xa Hakelo eka Xibalo xa Mali Hinkwayo leyi Endliwaka hi Bindzu
  •  Hakelo yo hetelela yi hakeriwa endzhaku ka TT03 – Ntlheriso wa Xibalo xa Mali Hinkwayo leyi Endliwaka hi Bindzu wa lembe loko wu rhumeriwile no phurosesiwa.
Tihakelo timbirhi to sungula ti fanele ku hakeriwa ti kongomisiwile eka mali hinkwayo leyi pimanyisiweke leyi endliwaka hi bindzu leyi hakerisiwaka xibalo ya bindzu eka lembexibalo. Endzhaku ka lembexibalo, ntlheriso wa xibalo xa mali hinkwayo leyi endliwaka hi bindzu (TT03) lowu kombisaka mali hinkwayo leyi endliwaka hi bindzu leyi hakerisiwaka xibalo wu fanele wu tatiwa. Mali yin’wana na yin’wana leyi xotaka / hakelelohenhla ya hakeriwa / ya vuyiseriwa.
 
Hakelo ya vumbirhi yo sungula yi fanele yi ringana na ntsengo wa xibalo xa mali hinkwayo leyi endliwaka hi bindzu leyi hakerisiwaka xibalo eka mpimanyiso wa lembe hinkwaro, leyi nga hansi ka hakelo yo sungula.
 
Ntswalo wu hakerisiwa eka nhlayo ya masiku lawa xiphemu xin’wana na xin’wana xa xibalo xi nga tshama xi nga hakerisiwangi.
 
Laha mpimanyiso wa mali hinkwayo leyi endliwaka hi bindzu leyi hakerisiwaka xibalo eka hakelo ya vumbirhi ya masungulo yi nga hansi ka 80 phesente ya mali hinkwayo ya ntiyiso leyi endliwaka hi bindzu leyi hakerisiwaka xibalo eka lembe ra nhlelelo, nxupulo wo mpimanyisohansi wu ringana na 20 phesentente ya ku hambana exikarhi ka leswi landzelaka yi ta hakerisiwa:
  • Xibalo lexi hakerisiwaka eka mali hinkwayo leyi endliwaka hi bindzu leyi pimanyisiweke leyi hakerisiwaka xibalo; na
  • Xibalo lexi hakerisiwaka eka mali hinkwayo ya ntiyiso leyi endliwaka hi bindzu leyi hakerisiwaka xibalo eka lembe ra nhlelelo.
SARS yi nga pimanyisa tihakelo ta masungulo leti kolotiwaka hi bindzu leritsongo swinene, laha bindzu ri tsandzekaka ku endla hakelo yaleyo kumbe laha SARS yi nga enerisweki hi ntsengo lowu hakeriweke mayelana na hakelo ya masungulo.
 
Laha siku rin’wana na rin’wana leri hlawuriweke leswaku ri va rona ro endla hakelo yin’wana na yin’wana ri wela eka Mugqivela, Nsoto kumbe siku ro wisa, hakelo yi fanele yi endliwa eka siku ro ka ri nga hundzi siku ro hetelela ra vukorhokeri ku nga se fika Mugqivela, Nsoto kumbe siku ro wisa.
 
Xitsundzuxo xa Nkoka: Tsundzuka ku tekela enhlokweni nkarhi lowu lavekaka ku phurosesa laha tihakelo ti nga endliwa hi ku tirhisa bangi kumbe ATM.
 
Laha ti nga endliwa hi ndlela ya xitironiki, pfumelela nkarhi wo tsema hi wona wa bangi na nkarhi wa mbhasiso lowu nga tekaka exikarhi ka masiku mambirhi kumbe ntlhanu.
 
Last Updated: 21/12/2017 11:23 AM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ