	LOGIN	FORGOT USERNAME / PASSWORD
	REGISTER	MANAGE TAX TYPE TRANSFER

Individuals

Businesses and Employers

Tax Practitioners

Customs and Excise

INTELA YENZUZOMTHAMO (TURNOVER)

Iyini?

Intela Yenzuzomthamo(Turnover) iluhlelo olwenziwe lula noluhlose ukwenzela abamabhizinisi amancane lula ukufeza zonke izidingo zabo zentela. Uhlelo lwentela yenzuzomthamo lungena esikhaleni seNtelangeniso, i-VAT, Intela Yesithutshana, Intela Yenzuzo Yotshalomali kanye neNtelazabelo kumabhizinisi amancane anenzuzomthamo yonyaka engu-R1 million nangaphansi. Ibhizinisi elincane elibhaliselwe intela yenzuzomthamo lingakwazi nokho ukuzikhethela ukuhlala ohlelweni lwe-VAT (kusuka lu-1 kuNdasa 2012).

Intela Yenzuzomthamo ibalwa ngokusebenzisa izinga lentela kuyo inzuzomthamo ethelayo yebhizinisi elincane. Amazinga lawa asebenza kunoma yimuphi unyaka wokubuyekezwa ophela maphakathi kwezinyanga ezili-12 eziphela zingama-28 kuNhlolanja 2018:

Inzomthamo (R)	Izinga Lentela (R)
0 - 335 000	0%
335 001 - 500 000	1% walelo nalelo R1 ngaphezu kuka- 335 000
500 001 - 750 000	1 650 + 2% wesamba esingaphezu kuka- 500 000
750 001 kuya phezulu	6 650 + 3% wesamba esingaphezu kuka- 750 000

Ithebula 1: Amazinga Entela Yenzuzomthamo anoma yimuphi unyaka wokubuyekeza ophela ezinyangeni ezili-12 eziphela zingama-28 kuNhlolanja 2018.

Yenzelwe bani?

Amabhizinisi amancane enza inzuzomthamo ka-R1 million nangaphansi. Laba bakhokhintela abalandelayo bangafaneleka:

Abantu ngabodwana (sole proprietors)
Ubudlandawonye
Ama-Close corporations
Inkampani
Imifelandawonye

Ubhalisa kanjani?

Ukuzibhalisela Intela Yenzuzomthamo :

Yenza isivivnyo esisheshayo ukuze uhlonze ukuthi ufanelekile yini kuyo intela yenzuzomthamo
Ngeminye imininingwane yokuthi uzibhalisa kanjani

Ukhokha kanjani?

Zintathu izinsuku ezimiselwe ukukhokha:

Ukukhokha kokuqala kumaphakathi nonyaka wentela ngosuku lokugcina lokusebenza lukaNcwaba okungu-29 kuNcwaba 2014 usebenzisa i-TT02 – Payment Advice for Turnover Tax
Ukukhokha kwesibili kusekupheleni konyaka wentela ngosuku lokugcina lkusebenza oluzingama-28 kuNhlolanja 2015 usebenzisa i-TT02 – Payment Advice for Turnover Tax
Ukukhokha kokugcina kungemva kokulethwa nokusetshenzwa kwe- TT03 – Imbuyizelo Yentela Yenzuzomthamo

Ngeminye imininingwane

Yimaphi amarekhodi okufanele agcinwe?

Okuhlumulayo ngentela yenzuzomthamo ngukuncipha kwamarekhodi okufanele uwagcine. Yilawa amarekhodi okufanele uwagcine:

Amarekhodi ayo yonke imali oyitholile;
Amarekhodi ezabelo ozidalule;
Uhlu lwempahla enenani elingaphezu kuka- R10, 000 ekupheleni konyaka wokubuyekeza kanjalo nezikweletu ezingaphezulu kuka-R10, 000.

Ukuze kucatshangelwe izindleko ezivame ukuthwalwa ngabamabhizinisi amancane kanjalo nokususa isidingo sokugcinwa kwamarekhodi ezindleko ongazifakela isicelo sokubanjelwa, amazinga entela yenzuzomthamo mancane ngokubonakalayo kunamazinga entela engaphansi kohlelo lwentela oluvamile.

Lokhu okulandelayo kuzokusiza ekugcinweni kwamarekhodi:

Last Updated: 19/01/2018 10:47 AM