XIBALO XA MALI HINKWAYO LEYI ENDLIWAKA HI BINDZU

Xana i yini?

Xibalo xa mali hinkwayo leyi endliwaka hi bindzu i sisiteme leyi olovisiweke leyi kongomisiweke eku endleni swi olova eka bindzu leritsongo swinene ku fikelela swiboho swa wona swa xibalo. Sisiteme ya xibalo xa mali hinkwayo leyi endliweke hi bindzu yi sivile Xibalo xa Mali leyi Nghenaka, VAT, Xibalo xa Nkarhinyana, Xibalo xa Mbuyelo eka Nxaviso wa Nhundzu na Xibalo xa Tidivhidende eka bindzu leritsongo swinene leri nga na mali ya xibalo leyi endliwaka hi bindzu ya lembe leyi ringaneleke ya R1 miliyoni kumbe ehansi ka miliyoni. Bindzu leritsongo swinene leri titsariseleke xibalo xa mali hinkwayo leyi endliweke hi bindzu ri nga, hambiswiritano, hlawula ku tshama eka sisiteme ya VAT (Ku sukela hi ti1 Nyenyankulu 2012).
 
Xibalo xa mali hinkwayo leyi endliwaka hi bindzu xi hlayeriwa hi ku tirhisa mpimo wa xibalo eka mali leyi endliwaka hi bindzu leyi hakerisiwaka xibalo xa bindzu leritsongo swinene. Mipimo yi tirha eka lembe rin’wana na rin’wana ra nhlelelo leri helaka enkarhini wa 12 wa tinhweti leri helaka hi ti 28 Nyenyenyani 2018: 

 

​Xibalo lexi endliwaka hi bindzu (R) Mpimo wa xibalo (R)​
0 - 335 000​ ​0%
335 001 - 500 000​ ​1% ya R1 yin’wana na yin’wana ehenhla ka 335 000
​500 001 - 750 000 ​1 650 + 2% ya ntsengo lowu nga ehenhla ka 500 000
​750 001 na ku tlula ​6 650 + 3% ya ntsengo lowu nga ehenhla ka 750 000
 

Tafula 1: Mipimo ya Xibalo xa mali hinkwayo leyi endliwaka hi bindzu eka lembe rin’wana na rin’wana ra nhlelelo leri helaka enkarhini wa 12 wa tinhweti leri helaka hi ti 28 Nyenyenyani 2018.

Xana i xa va mani?

Mabindzu lamatsongo swinene lawa ya nga na mali hinkwayo ya xibalo leyi endliwaka hi bindzu ya R 1 miliyoni hi lembe kumbe ehansi ka yona. Vahakelaxibalo lava landzelaka va nga ringanela:  
  • Vanhu hi voxe (mabindzu ya vanhu va ri voxe)
  • Xinakulobye
  • Tikhoporexini to pfaleka
  • Tikhamphani
  • Tikhooparethivhi

Xana u titsarisela njhani?

Ku titsarisela Xibalo xa Mali hinkwayo leyi endliwaka hi bindzu:

Xana ku hakeriwa njhani?

Ku na masiku manharhu yo hakela:

Kuma vuxokoxoko byo tala

Xana i tirhekhodo ti hi leti faneleke ku hlayisiwa?

Xipfuni xikulu xa Xibalo xa Mali hinkwayo leyi endliwaka hi bindzu i swilaveko leswi hungutiweke swa nhlayiso wa tirhekhodo. Tirhekhodo leti landzelaka ti fanele ku hlayisiwa:

  1. Tirhekhodo ta mitsengo hinkwayo leyi kumiweke;
  2. Tirhekhodo ta tidvhidende leti tivisiweke;
  3.  Nongonoko wa nhundzu yin’wana na yin’wana kun’we na nxavo wo tlula R10, 000 emaheleni ya lembe ra nhlelelo ku katsa na swikweleti leswi tlulaka R10, 000.

Ku tekela enhlokweni tihakelo to karhi leti nga vangiwa hi bindzu leritsongo swinene no hunguta xilaveko xa nhlayiso wo koxometa wa tirhekhodo ta tihakelo ta xibalo leti faneleke ku susiwa, mipimo ya xibalo xa mali hinkwayo leyi endliwaka hi bindzu yi le hansi ka mipimo ya xibalo leyi kumekaka ehansi ka sisiteme ya xibalo xa ntolovelo.  

Leswi landzelaka swi ta ku pfuna hi nhlayiso wa wena wa tirhekhodo:

 

Last Updated: 15/02/2018 2:40 PM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ