MIVUYISELO YA DIZELE EKA VURIMI 

Xana ndzi fikelela njhani Xikimi xa Vuyiselo wa Dizele?

Vurimi i nghingiriko lowu ringaneleke ehansi ka Xikimi xa Vuyiselo wa Dizele. Mabindzu yo tala ya vurimi ya ta ringanela ku tsarisiwa eka Xikimi xa Vuyiselo wa Dizele. Munhu loyi a nga khoma bindzu ra vurimi kwalaho a nga endla xikombelo xa ntsariso eka Xikimi xa Vuyiselo wa Dizele, loko ku ve bindzu ri tsariseriwile VAT. Xikimi xa Vuyiselo wa Dizele sweswi xi fambisiwa hi sisiteme ya VAT, ku sukela sweswi, xilaveko xa ntsariso wa VAT i xilaveko xo nghenelela eka xikimi.
Loko ku ve munhu u titsariserile VAT khale tanihi n’waswimawusa, kwalaho ntsariso wa Xikimi xa Vuyiselo wa Dizele wu nga ha endliwa hi ku tata no rhumela fomo ya VAT 101D.
 
Loko ku ve munhu a nga titsariselangi VAT tanihi n’waswimawusa, kwalaho ntsariso wa VAT tanihi n’waswimawusa na ntsariso wa Xikimi xa Vuyiselo wa Dizele swi nga endliwa hi nkarhi wun’we hi ku tata no rhumela tifomo ta VAT 101 na VAT101D, hi ku hambana. Tsundzuka leswaku swinawana leswi swa ha ta tiseketela hi loko ku ve swilaveko leswi nga sala swa ntsariso wa VAT na Xikimi xa Vuyiselo wa Dizele swi landzeleriwile. 

Xana ndzi koxa njhani vuyiselo wa dizele?

Mivuyiselo ehansi ka Xikimi xa Vuyiselo wa Dizele yi phurosesiwa ntsena hi ku tirhisa sisiteme ya mafambiselo ya VAT. Hunguto hi ntiyiso wu nyikiwa eka vaxavi lava ringaneleke ehansi ka Nawu wa Vulawuri bya tinhundzu emindzilekanini na Xibalo xa swimakiwa swa laha kaya.
 
Loko se ku tsarisiwile, xikoxo xa vuyiselo wa dizele xi nga endliwa hi ku tirhisa ntlheriso wa VAT201 lowu nga kona eka eFiling. Xikoxo xa vuyiselo wa dizele xi ta hungutiwa ehenhla ka xikweleti xin’wana na xin’wana xa VAT lexi nga ta hakeriwa eka nkarhi wa xibalo lowu ku nga langutaniwa na wona, kumbe hi le tlhelo, xikoxo xa vuyiselo wa dizele xi ta engetelela vuyiselo wun’wana na wun’wana wa VAT lowu faneleke ku va wu hakeriwa eka n’waswimawusa.
 
Swi na nkoka leswaku tidokhumente hinkwato leti lavekaka ta hlayisiwa leti yelanaka mixaviso ya dizele ku katsa na mingheniso yo hambana ya xibukwana xa swa marendzo kumbe tirhekhodo tin’wana leti kombisaka mitsengo ya ntiyiso ya dizele leyi cheriweke ku suka eka xitoko eka ntirhiso lowu faneleke na lowu nga fanelangiki enkarhini wa nkarhi wa xibalo.
 
Ntsengo wun’wana na wun’wana wa vuyiselo wa dizele lowu nga ta kumeka wu vuyisiwile hi xihoxo wu ta fanela ku hakeriwa wu tlhelela eka SARS, kun’we na mixupulo yin’wana na yin’wana na ntswalo laha swi faneleke.
 
Last Updated: 07/11/2017 2:31 PM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ