DIKGWEBO TŠA TEMO 

Dinako tša motšhelo

Go na le go se kwešiše go go tlwaelegilego gore balemi mohlomongwe, goba ba hloka go ngwadišwa go legoro la D (dikgwedi tše dingwe le tše dingwe tše tshelela goba ngwaga ka ngwaga wa nako ya motšhelo). Se ga se nnete ka ge kgwebo ya temo e hloka go dira kgopelo ya lengwalo go Komišinare go kgona go ngwadišwa go Legoro la D. Go tšwelapele, barekiši bao ba khwalifayago bakeng sa nako ya motšhelo ya Legoro la D ba swanetše go fihlelela dikheraetheria tše di latelago: 
  • Kgwebo e swanetše go šoma fela ka ditiragalo tša bolemi, bodiši goba temo.
  • Palomoka ya palomoka ya poelo ya kgwebo go ditiragalo ka moka tša kgwebo e se fete R1,5 million dikgweding tša go latelana tše 12.
Moo boleng bja dithoto tša go tšhelelwa bo fetišitšego R1,5 million nako ya dikgwedi tša go latelana tše 12, Komišinare o tla abela Legoro la A goba la B nako ya motšhelo go morekiši (dikgwedi tše pedi tša nako ya motšhelo).
 
Moo boleng bja dithoto tša go tšhelelwa bo fetago R30 million nako ya dikgwedi tše 12 tša go latelana, morekiši o tla gapeletšega go lefela VAT gomme a romele dipušetšo tša kgwedi ka kgwedi ka Legoro le lengwe le le lengwe la C la nako ya motšhelo.

Dithoto tše di lekanyeditšewego go lefela

Go thuša balemi ka kelelo ya kheše, ditšweletšwa tše dintši tšeo di dirišwago goba di jewago mo tshepetšong ya morero wa kgwebo di akanywa go lefela, goba di lokollwa go VAT go thomelo ya ka nageng. Mehlala e mengwe ya dithoto tšeo di rekiwago ka tekanyo ya lefela ke –
  • Dijo tša diphoofolo;
  • Dihlare tša go alafa diphoofolo;
  • Manyora;
  • Dibolaya dikhunkhwane;
  • Dimela le dikenywa tša go dirišwa bakeng sa temo.
(ka kgopelo šupetša go Karolo ya A ya Šetšulu ya 2 ya Molao wa VAT go hwetša lenaneo la go felela)

Na ke dinyakwa dife tša go kgona go reka dithoto ka tekanyo ya lefela?

Dinyakwa tše di latelago di swanetše go fihlelelwa gore kgwebo ya temo e kgone go reka dithoto go Šetšulu yeo e laeditšwego go tekanyo ya lefela:
  • Kgwebo ya temo e swanetše go ba le setifikeiti sa ngwadišo ya VAT sa go laetša tokelo ya kgwebo ya temo ya go reka dithoto tše di laeditšwego go Šetšulu ya 2 ka tekanyo ya lefela; 
  • Tsebišo yeo e laeditšwego ka godimo ya ngwadišo e swanetše go tlhagišwa go morekiši yo a fanago ka dithoto;
  • Nomoro ya ngwadišo ya VAT ya motho yo a dirago kgwebo ya temo e swanetše go tšwelela go setlankana sa motšhelo seo se filwego ke morekiši yo a fanago ka thoto;
  • Dithoto tše di filwego di swanetše go tlhaloswa go Karolo ya A ya Šetšulu ya 2 ya Molao wa VAT gomme e se be dithoto tša go iletšwa.
Go hwetša tshedimošo ka ga dipušetšo tša Tisele bakeng sa temo, kgotla mo.
 
Maele a Bohlokwa kudu: Palomoka ya tšhelete yeo e amogetšwego go tšwa go dithoto tša go akanywa go lefelwa (le ditirelo) e swanetše go laetšwa go lefelo la 2 go pušetšo ya VAT.
 
Last Updated: 24/10/2017 3:58 PM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ