​MABINDZU YA SWA VURIMI 

Mikarhi ya Xibalo

I mavonelo yo fana yo hoxeka ya leswaku van’wamapurasi hinkwavo va nga va, kumbe ku laveka leswaku va titsarisela eka Khategori D (nkarhi wa xibalo wa ntsevu wa tinhweti kumbe kambirhi hi lembe). Leswi a hi ntiyiso tanihileswi bindzu ra swa vurimi ri lavekaka leswaku ri endla xikombelo xo tsariwa eka Khomixinara leswaku ri tsarisiwa eka Khategori D. Ku ya emahlweni, van’waswimawusa lava ringaneleke eka nkarhi wa xibalo wa Khategori D va fanele va fikelela maendlelo lawa ya landzelaka:
  • Bindzu ri fanele ku va ri ri na migingiriko ya swa vurimi, madyelo ya swifuwo, kumbe ya swa vupurasi.
  • Ntsengo hinkwawo lowu nga endliwa hi bindzu ku suka eka migingiriko hinkwayo ya swa vurimi wu fanele ku ka wu nga hundzi R1,5 miliyoni hi nkarhi wo landzelelana wa tinhweti ta 12.
Laha nxavo wa nhundzu leyi hakerisiwaka xibalo wu hundzaka R1,5 miliyoni eka nkarhi wun’wana na wun’wana wo landzelelana wa 12 wa tinhweti, Khomixinara  u ta ava nkarhi wa xibalo wa Khategori A kumbe B eka n’waswimawusa (nkarhi wa xibalo wa tinhweti timbirhi).
 
Laha nxavo wa nhundzu leyi hakerisiwaka xibalo wu hundzaka R30 miliyoni hi nkarhi wo landzelelana wa 12 wa tinhweti, n’waswimawusa u ta boheka ku hakela VAT no rhumela mitlheriso ya nhweti na nhweti hi ku ya hi nkarhi wa xibalo wa Khategori C.

Nhundzu leyi nga hakeriki VAT

Ku pfuna van’wamapurasi hi nkhuluko wa vona wa timali, swikumiwa swo hlaya leswi tirhisiwaka kumbe leswi dyiwaka kwala ku fambeni ko endla bindzu ra swa vurimi hi leswi nga hakeriki VAT, kumbe swi nga khumbheki eka ku hakela VAT eku swi amukeleni ku suka ematikwenimambe. Swikombiso swin’wana swa tinhundzu leti nga xaviwaka leswi nga hakeriki VAT hi leswi –
  • Swakudya swa swifuwo;
  • Mirhi ya swifuwo;
  • Manyoro;
  • Swidlayaswitsotswana;
  • Swimilana na mbewu leyi tirhisiwaka ku rima.
(u komberiwa ku languta eka Xiphemu A xa Xedulu 2 eka Nawu wa VAT ku kuma nongonoko lowu heleleke)

Xana hi swihi swilaveko swo xava tinhundzu leti nga hakeriki VAT?

Swilaveko leswi landzelaka swi fanele swi fikeleriwa ku endlela leswaku bindzu ra swa vurimi ri kota ku xava tinhundzu eka Xedulu leyi vuriweke eka Xedulu eka tinhundzu leti nga hakeriki VAT:
  • Bindzu ra  swa vurimi ri fanele ri va na setifikheti ya ntsariso wa VAT leyi kombisaka matimba ya bindzu ra swa vurimi yo xava tinhundzu leti xaxametiweke eka Xedulu 2 eka nhundzu leyi nga hakeriki VAT;
  • Xitiviso xa ntsariso lexi nga boxiwa laha henhla xi fanele xi kombisiwa eka n’waswimawusa loyi a phakelaka nhundzu;
  • Nomboro ya ntsariso wa VAT ya munhu loyi a fambisaka migingiriko ya swa vurimi yi fanele yi vonaka eka inivhoyisi ya xibalo leyi humesiweke hi n’waswimawusa loyi a phakelaka nhundzu;
  • Tinhundzu leti nga phakeriwa ti fanele ku vuriwa eka Xiphemu A xa Xedulu 2 eka Nawu wa VAT naswona ti fanele ku va ti nga ri nhundzu leyi yirisiweke.
Ku kuma vuxokoxoko eka mivuyiselo ya Dizele eka swa vurimi, tlilika laha.
 
Xitsundzuxo xa Nkoka: Ntsengo hinkwawo lowu kumiweke ku suka eka mphakelo wa tihundzu leti nga hakeriki VAT (na vukorhokeri) wu fanele ku kombisiwa eka ndzhawu 2 eka ntlheriso wa VAT.
 
Last Updated: 07/11/2017 2:35 PM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ