MOTŠHELO WA MOŠOMO [LEFELA-KA-GE O-GOLA) (PAYE)]

DIKHOLEGO LE DIPUTSETŠO TŠA MOŠOMONG

Na ke dikholego le diputsetšo dife tša mošomong tše di ka bago gona?

Hwetša lenaneo la dikholego le diputsetšo tša mošomong ka mo fase:

Diputsetšo

  • Diputsetšo tša go šomela ka ntle ga mošomo – ke putsetšo e nngwe le enngwe yeo e lefelwago ke momongmošomo wa mošomi go akaretša madulo, dijo, ditheko tša sewelo tšeo mošomi, ka mabaka a mošomo, a gapeleditšwego go robala bošego bjo bo tee kgole le legae la gagwe ka gare ga Rephapoliki.
  • Diputsetšo tša go eta– ke diputsetšo tše dingwe le tše dingwe tše di lefetšwego goba tšhelete yeo e lefeletšwego pele ke mongmošomo go mošomi go e diriša koloing ya gagwe ka morero wa mongmošomo.
  • Putseletšo go motho yo a šomago ofising ya setšhaba – ke putseletšo yeo e fiwago mošomi wa ofisi ya setšhaba go akaretša ditshenyagelo tša gagwe mabapi le kamano ya ofisi yeo.

Dikholego tša mošomong

  • Go hwetša thoto ka theko ya fase ga boleng bja yona (ntle le tšhelete) – ke kholego ya go lefišwa motšhelo ge o hwetša thoto go mongmošomo go ba setheo sa go nyalelana mabapi le mongmošomo goba go motho yo mongwe ka peakanyo ya mongmošomo, ka theko ya fase ga boleng bja yona.
  • Tokelo ya go diriša thoto – ke kholego ya go lefišwa motšhelo ge mošomi a filwe tokelo ya go diriša thoto enngwe le enngwe (ka ntle le madulo goba koloi) go phetha mabaka a gagwe goba a ka gae mahala goba ka tlhokomelo ya ka fase ga boleng bja tirišo yeo.
  • Tokelo ya go diriša koloi – ke kholego ya go lefišwa motšhelo ge eba mošomi o filwe tokelo ya go diriša koloi ka mabaka a gagwe goba a ka gae mahala goba ka tlhokomelo ya ka fase ga boleng bja tirišo yeo.
  • Dijo, dilapološi le diboutšhara tša dilapološi – ke kholego ya go lefišwa motšhelo ge mošomi a filwe dijo goba dilapološi goba diboutšhara mahala goba go tlhokomelo ya ka fase ga boleng bja dijo tšeo, dilapološi goba boutšhara.
  • Madulo – ke kholego ya fo lefišwa motšhelo ge mošomi a filwe madulo mohlomongwe a mahala goba tlhokomelo ya go hiriša ya ka fase ga boleng bja go hiriša bja madulo ao.
  • Ditirelo tša mahala goba tša theko ya fase – ke kholego ya go lefišwa motšhelo ge eba tirelo enngwe le enngwe e, ka tshenyagelo ya mongmošomo, e filwe mošomi (e kaba e dirilwe ke mongmošomo goba ke motho yo mongwe), moo tirelo e dirišitšwego ke mošomi ka mabaka a gagwe goba a ka gae gape tlhokomelo e sa fiwago ke mongmošomo goba tlhokomelo yeo e filwego e lego ka fase ga theko ya tirelo yeo.
  • Ditswala tša ka fase goba dikadimo tša go hloka ditswala – ke kholego ya go lefišwa motšhelo ge eba kadimo e filwe ke mongmošomo go mošomi goba ke motho yo mongwe ka tumelelano le mongmošomo goba setheo sa go nyalelana ka kamano ya mongmošomo gomme gape mohlomongwe mošomi ga a lefele tswala goba tswala yeo e lefelwago ke mošomi ke ya fase kudu go feta tekanyo ya tswala ya semmušo (go sa akaretšwe dikadimo tše di filwego ka morero wa go reka kabelo tša go lekana, goba motšhelo wa setempe goba metšhelo ya tšhireletšo ya go se tiišetšwe ya kabelo yeo).
  • Thušo/seabo sa tšhelete mabapi le kadimo – ke kholego ya go lefišwa motšhelo ge eba mongmošomo o lefetše seabo go tswala goba ditefelo morago tša tšhelete yeo e lefelwago ke mošomi ya kadimo, ge eba tšhelete yeo e lefelwago ke mongmošomo e feta palo ya tswala yeo, ge e tlhakantšhwa ka tekanyo ya tswala ya semmušo, e be e tla be e lefetšwe kadimong yeo.
  • Dikabelo tša setlamo sa tša kalafo tša go lefelwa ke mongmošomo – ke kholego ya go lefišwa motšhelo ge mongmošomo a lefetše thwii goba o lefetše ka tsela enngwe, go dikabelo tša setlamo sa tša kalafo mabapi le kholego ya mošomi goba baholegi ba mošomi yoo. 
  • Ditshenyagelo tša kalafi tša go lefelwa ke mongmošomo – ke kholego ya go lefišwa motšhelo ge eba mongmošomo o lefeletše ditshenyagelo thwii goba o lefetše ka tsela enngwe, palo enngwe le enngwe ya tšhelete (yeo e sego ya kabelo ya setlamo sa tša kalafo yeo e lefetšwego go setlamo sa tša kalafo seo se ngwadišitšwego) mabapi le ditirelo tša kalafo, meno le ditirelo tša go swana, ditirelo tša bookelong, ditirelo tša booki goba kalafi yeo e filwego mošomi, molekane wa gagwe, leloko goba moholegi.
  • Tefelo ya mongmošomo go mošireletši wa enšorense – ke kholego ya mošomong ge eba mongmošomo o dirile tefelo go enšorense ka fase ga pholisi ya enšorense thwii goba ka tsela enngwe bakeng sa kholego ya mošomi goba molekane wa gagwe, ngwana, moholegi goba motho yo a mokgethilego.
Last Updated: 24/10/2016 9:46 AM     print this page
SARS eFiling eFiling Login eFiling Register Now eFiling Forgot Password eFiling Forgot Username E@syFile
FIND A PUBLICATION
FIND A FORM
FIND AN FAQ